ـ1ـ
بْعِيدِكْ.. الْعِيد بْيِفْرَح وْبيطِلّ
يْوَزِّعْ سَعادِه عَ الدِّني كِلاَّ
بْتِسْهَر الْوادِي عَ كْتاف التَّلّ
وِالتَّلّ بِالأَنْوارْ مِتْجَلَّى
ـ2ـ
يا شَمْس.. خَلْفِكْ شَمسْنا بِتْغِلّ
وْإِلاَّ إِلِكْ هَـ الْقَلبْ ما صَلَّى
كِل ما عْلَينا نُور وِجِّكْ هَلّ
وِجّ الدِّني بِيصِيرْ يِتْحَلَّى
ـ3ـ
يا مَرْيَم الْعَدْرَا.. كَفَانا ذُلّ
أَرْضِي جْنُون الْكفْر مِحْتَلاَّ
صْدُورْ أَطْفالا زَرَعْها سِلّ
تا بْدَمْعِة الأَطْفالْ يِتْسَلَّى
ـ4ـ
بَدلْ الْقَنابِلْ زَيّنِيها بْفلّ
وْمِنْ مَشْلَحِكْ خَيْراتْ تِتْدَلَّى
وْقُولي: شَعْب لُبْنانْ بَدُّو يْضَلّ
سَيِّدْ.. وْحامي أَرزْتُو عَ طُول
هَـ الْـ تَحتْ مِنَّا اسْتَقْبَلُوا أَللَّـه
**
