غنية وادي السبعة

ـ1ـ

بْوادي السَّبْعَه

قْتَلْنا ضَبْعَه

كانِتْ أُمِّي تْغَنِّيلي

عْيُونا حَمْرا

مِتْل الْجَمْره

لَوْنا أَسْوَدْ.. وِتْقِيلِه

نام يا إبْني

لا تْعَذّبْنِي

الضَّبْعَه جَايي مْقابيلي

ـ2ـ

وْمِتْل الْغافِي

غلّ بِلْحافِي

تِتْرَضَّى عْلَيّي.. وِتْرُوحْ

تْغَفِّي خَيِّي

تْشَرْبِي بَيِّي

تِطْبُخْ طَبْخَه.. تْردّ الرّوحْ

وْلادا سِتِّه

وْجِدِّي وْسِتِّي

وْضِحْكِتْها.. بِتْداوي جْروحْ

ـ3ـ

وَحْدا أُمِّي

الْـ حِمْلِتْ هَمِّي

مِنْ يَوْم الْـ عَطْيِتْنِي النُّورْ

بَتْرُونَلَّه

إِسْما.. وَاللَّه

غِنِّيِّه بْتِمّ الْعُصْفُورْ

بْمِجِدْلَيَّا

اشْتاقُوا عْلَيَّا

وْمَرْكَبْها.. بالِعْتُو بْحُورْ

**