ـ1ـ
يا مجدليا.. بعد ما زرتك
ما عدت طيق العيش بالهجران
من بين كل الكاينه اخترتك
ضيعه عظيمه شامخه بلبنان
ـ2ـ
تعرّفت ع الأحباب.. نيّالي
جمّعتهن بالدور بعيوني
التفوا عليي.. وسّعوا مجالي
وعلقتهن فوق الصدر قونه
ـ3ـ
كرّموني كتير.. أحبابي
حسّيت حالي بالفضا طاير
صاروا صور بتزيّن كتابي
صاروا حلم بيوزّع بْشاير
ـ4ـ
متل الشمس نورن عم يضوّي
ولنّو شي مرّه غنجي حالك
رجالك رجال العز والقوّه
ونسوانك بتسهر ع أطفالك
ـ5ـ
ووحدي أنا بالهجر عم إشكي
غيابك قتلني يا مجدليا
بغنّي متل شي طفل عم يبكي
يا بيّاع العنب والعانبيا
**
